सधैं खेतबारीमा रमाउने कर्मशिल हातहरु प्रति समर्पित कविता किसानको रहर । हामीलाइ सधै आफ्नो धरातल सम्झाउने यो कोशेली दैवज्ञराज न्यौपानेले लेखेका हुन् । केशु शर्माको स्वर शिरिषविक्रम थापाको संगीतमा Bardali Creations को प्रस्तुती तपाइहरुको माझ । स्वतस्फुर्तरुपमा तयार पारिएको यो भिडियोमा अनलाइनबाट धेरै साथीहरुको तस्बिरहरु सापटी लिइएको छ ।केहि तस्बिरहरु मैले आफै स्याङ्जा, मनाङ, कास्की, बझाङको सेरोफेरोमा खिचेको हुँ ।
मन छुने नेपाली कविता अनलाइनमा रहिरहोस् भन्ने मेरो चाहना हो । तस्बिरको कपिराइट सबै खिच्ने सर्जकहरुमा छ जिवन्त तस्बिरहरु खिच्ने साथीहरुलाइ धेरै धेरै धन्यवाद ।
१:१० रोपाइ गरिरहेको पोखराको तस्बिर पत्रकार भिम घिमिरेको हो । धान गोडिरहेको तस्बिर तिर्थराज पण्डितको फेसबुकबाट साभार गरेको ।हाँसिरहेकी एक्ली महिलाको तस्बिर अनलाइन खबरबाट साभार गरिएको हो ।भारी बोकेर उकालो हिडिरहेका महिलालगायतका केहि तस्बिरहरु साथी सीमा गुरुङ र आस्था सिवाकोटीले अछाम बाजुरा लगायतका जिल्ला भ्रमणमा खिचेका हुन् । १:२७ मा रोपाइ गरिरहेको तस्बिर नुवाकोटको हो । फेसबुकबाट साभार गरिएको ।बाढीको तस्बिर लाइट नेपालबाट साभार गरिएको हो । धान र शितका तस्बिर फ्रि पिकबाट लिइएको हो ।
Poem : Daibagya Raj Neupane
Singer : Keshu Sharma
Music : Shirish Bikram Thapa
Cover Design : Ganesh Acharya
Special Thanks
Rebati Raman Ghimire
Malati Ghimire
Sudha Parajuli
Kriti Baral
Kripa Baral
Subhika Ghimire
and all Ghimire family.
@ Bardali Creations 2020
कविता
सानो छ खेत सानो छ बारी सानै छ जहान
नगरी काम पुग्दैन खान साझ र बिहान
बिहानपख झुल्किनछ घाम देउराली पाखामा
आसरे गीत घन्किनछ अनि सुरिलो भाकामा
काँधको शोभा हलो र जुवा हातमा कोदाली
जीवन धान्नु गर्नु नै पर्ने उकाली ओराली
छुपु र छुपु हिलोमा धान रोपेर छोडौंला
बनाई कुलो लगाई पानी आएर गोडौंला
भनेर सानी पटुकी रातो बाँधेर झरेकी
धमिलो खोला बाढीले होला कसरी तरेकी ?
गालामा साना पसिना दाना मोती झैं खुलेकी
घाम र पानी भोक र तिर्खा कसरी भुलेकी
सुसेली हाली बयेली खेल्छ बतास रातमा
जूनले पोख्छ शीतका थोपा धानका पातमा
सूनौला बाला झुलेर होला भूईंलाई छोएको
फलेको हाँगो कहिले छ र ननुही रहेको ?
हिमाल हाँस्छ मिलाई सेता दाँतका लहर
किसान बनी जहान पाल्ने यो मेरो रहर ।
#SanoChhaKheta #DaibagyaRajNeupane #NepaliFarmer