ថ្ពាល់ខួចគូទខ្យង ឬ ត្រកងបី - បទ ៖ ចំពីកើច - បាសាក់ | ស៊ីន ស៊ីសាមុត | ឡាំលាវ

ចំណងជើង ៖ ថ្ពាល់ខួចគូទខ្យង ឬ ត្រកងបី បទ ៖ ចំពីកើច , ទម្រង់ ៖ បាសាក់ , ច្រៀងដោយ ៖ ស៊ីន ស៊ីសាមុត , ចង្វាក់ ៖ ឡាំលាវ ត្រកៀតដូចបងត្រកងស្ងួន ត្រកួនដូចបង ត្រកងបីអឺងអឺយ ព្រលិតដូចបងៗ ប្រលោមស្រី ស្រលិតដូចស្រី ហាអឺយស្រលាញ់បង ។ ចំប៉ីដូចបងជំពាក់ចិត្ត ខ្វាវខ្វិតគិតខ្វល់ ដល់នួនល្អងអឺងអឺយ បេះបោចបោចបិចៗ ឈ្លេចឆ្លើយឆ្លង ចិត្តបងប៉ងស្នេហ៍ ហាអឺយស្នេហ៍ចរណៃ ។ ថ្ពាល់ខួចគូទខ្យងបងសូមស្ម័គ្រ កុំអាក់មាសស្ងួន អូនប្រណីអឺងអឺយ បើខុសសន្តោសៗ កុំប្រល័យ ឱ្យក្ស័យខ្សឹកខ្សួល ហាអឺយអួលឱរា ។ បើមិនស្រលាញ់សូមតែគិត អាណិតចិត្តរៀម បៀមទុក្ខាអឺងអឺយ ទុក្ខងំទុក្ខទំៗ ទុក្ខខ្លោចផ្សា ថាស្នេហ៍ស្នេហា ហាអឺយស្នេហ៍សុបិន ៕

Category